sanxvvguitsetgelniitsliinersdel

2018.04.30

НИЙСЛЭЛ ДЭХ ТӨРИЙН АУДИТЫН ГАЗРЫН ДЭРГЭДЭХ АУДИТЫН ИРГЭНИЙ ТАНХИМД АЖИЛЛАХ ГИШҮҮНИЙГ СОНГОХ СОНГОН ШАЛГАРУУЛАЛТЫН ЗАРЛАЛ

НТАГ нь Монгол улсын Ерөнхий аудиторын 2017 оны А/228 дугаар тушаалаар баталсан “АИТ болон Аудитын иргэдийн бүлгийн үйл ажиллагааны дүрэм”-ийг хэрэгжүүлэх зорилгоор төрийн аудитын үйл ажиллагааны үр дүн, өгөөжийг дээшлүүлэхэд иргэд, олон нийтийн оролцоог бий болгох, тэдэнд шаардлагатай мэдээллийг хүргэж байх чиг үүрэг бүхий АИТ-ыг байгуулж байна.

Дээрх дүрмийн 1 дүгээр бүлгийн 1.6-д “АИТ болон аудитын иргэдийн бүлэг, тэдгээрийн нэгжид ажиллах гишүүдийг сонгохдоо Төрийн аудитын байгууллага нээлттэй ил тод байдлаар зарлаж, сонгон шалгаруулах зарчмаар шийдвэрлэнэ” гэсэн заалтыг үндэслэн НТАГ-ын дэргэдэх АИТ-ын орон тооны бус гишүүнийг сонгох сонгон шалгаруулалтыг  2018 оны 6 дугаар сарын 05-ний өдрийг хүртэл хугацаагаар зарлаж байна.

АИТ-ын орон тооны бус гишүүн нь дүрмийн 1 дүгээр бүлгийн 1.5-д заасан дараах шаардлагуудыг хангасан байна. Үүнд:

  • Монгол Улсын иргэн;
  • мэргэжлийн чиглэлээрээ 10-аас дээш жил ажилласан туршлагатай;
  • эдийн засаг, санхүү, НББ, хууль, төрийн захиргаа болон холбогдох бусад чиглэлээр боловсролын зэрэгтэй;
  • тухайн салбар, байгууллага, үйл ажиллагаагаар мэргэшсэн, мэргэшлийн зэрэг, цолтой, холбогдох мэргэжилтнүүдийн дунд нэр хүндтэй;
  • ТАБ-ын үйл ажиллагаанд харшлах ажил, албан тушаал эрхэлдэггүй;
  • өмчийн бүх хэлбэрийн ААН, мэргэжлийн болон төрийн бус байгууллагад санхүүгийн ашиг сонирхолгүй, ял шийтгүүлж байгаагүй.

Танхмын орон тооны бус гишүүнээр дараах салбарын мэргэжилтнүүдээс сонгон шалгаруулна.

  • төсөв, хөрөнгө оруулалт, төрийн байгууллагуудын чиглэлээр 2 гишүүн
  • үйлдвэр, дэд бүтцийн салбарын чиглэлээр 2 гишүүн
  • нийгэм, боловсрол, соёл, байгаль орчин, эрүүл мэндийн чиглэлээр 2 гишүүн
  • төсвийн болон орон нутгийн өмчит байгууллагуудын чиглэлээр 2 гишүүн
  • иргэний нийгмийн байгууллагуудын чиглэлээр 2 гишүүн

Гишүүнээр сонгогдох сонирхолтой иргэд саналаа ирүүлэхдээ дараах материалыг бүрдүүлж, албан ёсоор ирүүлнэ. Үүнд:

  • Төрийн албан хаагчийн анкет /маягтын дагуу/;
  • Аль салбар зөвлөлд ажиллах талаар саналаа тусгасан товч өргөдөл хүсэлт;
  • Тухайн салбарт ажиллаж байсан тухай холбогдох байгууллага, албан тушаалтнаас гаргаж өгөх ажил байдлын тодорхойлолт.
  • Мэргэжлийн дипломын хуулбар /нотариатиар батлуулсан/;
  • Мэргэжлийн чиглэлээр боловсруулсан, хэвлүүлсэн материал, бүтээл, туурвилын жагсаалт;
  • дүрмийн 1 дүгээр бүлгийн 1.5-д заасан шаардлагуудыг хангасныг нотлох бусад баримтууд;

АИТ-ын орон тооны бус гишүүнээр ажиллах сонирхолтой иргэд саналаа 2018 оны 6 дугаар сарын 04-ний өдрийн 17 цаг 30 минутаас өмнө НТАГ-ын тамгын хэлтсийн 519 тоот өрөөнд НТАГ-ын даргын туслах Б.Аззаяад ирүүлнэ үү.

Шаардлагатай мэдээллийг Энэ и-мэйл хаягийг спамботоос хамгаалсан. Та үзэхийн тулд JavaScript идэвхжүүлэх хэрэгтэй. мэйл хаягаар, эсвэл 70007734 тоот утсаар авна.

Хаяг: НТАГ, Соёлын төв өргөө, Y давхар, 519 тоот өрөө.

АИТ болон иргэдийн бүлгийн үйл ажиллагааны дүрмийг энд дарж үзнэ үү.

НИЙСЛЭЛ ДЭХ ТӨРИЙН АУДИТЫН ГАЗАР

2018 оны 4 дүгээр сарын 30-ны өдөр

ajil

МЭДЭЭ

2019.02.14

2019.02.14

НИЙСЛЭЛ ДЭХ ТӨРИЙН АУДИТЫН ГАЗРЫН ДЭРГЭДЭХ АУДИТЫН ИРГЭНИЙ ТАНХИМЫН ҮЙЛ АЖИЛЛАГААНЫ ТАЛААР НТАГ-ын...

2019.02.14

2019.02.14

НТАГ-аас 2019 онд хийх аудитын сэдвүүд Төрийн аудитын тухай хуулийн 16.2-т заасны дагуу төрийн аудитын байгууллагууд нь дараа онд хийх аудитын...

2019.02.04

2019.02.04

ТӨРИЙН АУДИТЫН ИТГЭЛ ҮЗҮҮЛСЭН ИТГЭМЖЛЭЛ ГАРДУУЛЛАА Нийслэл дэх Төрийн аудитын газрын дарга, тэргүүлэх аудитор С.Энхбаатар МУЕА-ын 2015...

2019.02.04

МЭДЭЭЛЭЛ МУЕА-ын тушаалаар сар шинийн баярыг тохиолдуулан санхүүгийн аудитын хэлтсийн аудитор Х.Оюунчимэг, Ж.Энхтуяа нарыг “Төрийн хяналтын тэргүүний ажилтан” цол, тэмдгээр шагналаа....

ӨНӨӨДӨР:36
ӨЧИГДӨР:65
7 ХОНОГТ:240
САРД:763
НИЙТ:205500